MONGOLIAN LABOR MARKET SUMMIT: Good workplace awards 2024 арга хэмжээг “Хүний нөөцийн хомсдол ба эдийн засгийн ирээдүй” сэдвийн дор 3 дахь жилдээ Монголын хамгийн том ажлын байрны платформууд болох Zangia.mn болон Nito хамтран зохион байгуулах гэж байна.

Уг дээд хэмжээний чуулганаар хөдөлмөрийн зах зээлтэй холбоотой олон улсын байгууллагын судлаачид, яам, засгийн газрын төлөөлөгчид Монголын хамгийн том компанийн удирдлагууд гэх мэт салбарын хамгийн том экспертүүд нэг дор цуглаж Монголын эдийн засагт нүүрлээд буй хамгийн том аюулуудын нэг болох хүний нөөцийн хомсдол, үүнийг хэрхэн арилгах талаар өөрсдийн санаа оноо, шийдлийг хэлэлцэх болно.

Ковидоос хойш 60,000-80,000 залуус гадагш гарж ажиллах болсон, эдгээр залуусын орон зай яаж нөхөгдөх вэ? Компаниуд хэдий хугацаанд хүний нөөцийн хомсдолтой тэсэх вэ? Цаашид Монголын хөдөлмөрийн зах зээл энэ хэвээр үргэлжлэх үү, бүх залуучууд гадагшаа гарах уу, компаниуд улам бүр хүнгүй болох уу? Монголын дээд боловсролын институцууд хөдөлмөрийн зах зээлд хэрэгтэй хүмүүс нийлүүлж чаддаг уу?

Энэхүү хөдөлмөрийн зах зээлийн хамгийн том, дээд хэмжээний чуулга уулзалтад хүрэлцэн ирснээр сүүлийн үеийн мэдээлэл авах, менежментийн шилдэг арга туршлагуудаас суралцах, шийдлийг хамтдаа хэлэлцэх, салбар бүрийн экспертүүдтэй танилцан, хүрээллээ тэлэх жилдээ нэг удаа тохиох дээд хэмжээний уулзалтад таныг урьж байна.