Хайч алга болсноос үүдэн Японы хамгийн хөл хөдөлгөөн ихтэй нисэх буудлуудын нэг бүх нислэгээ цуцалсан байна.
Болсон явдлыг тодруулбал, Шинэ Читосэ нисэх буудлын дотоодын нислэгийн хүлээлгийн танхим дахь дэлгүүрийн хайч алга болсон тул аюулгүй байдлын ажилтнууд бүх нислэгийг цуцалж байгаад хэдэн цагийн турш алга болсон хайчийг эрсэн гэнэ.
Албан ёсны мэдээллээс үзвэл, нийт 36 нислэг цуцлагдаж, 201 нислэг хойшлогдсон гэнэ. Ийн зорчигчдыг саатуулсны учир нь тухайн хайчийг гэмт хэрэгтэн олж аваад, зэвсэг болгон ашиглаж, нислэгийн үеэр террорист халдлага үйлдэж болзошгүй хэмээн сэрэмжилсэн байна. Гэхдээ сайн юм болж, хайчийг олсны дараа нисэх буудлын үйл ажиллагаа хэвийн үргэлжилжээ.
Дээрх үйл явдлаас болж төлөвлөсөн нислэгээсээ хоцорсон иргэдийн дунд Хоккайдод болсон Мандах Нар хөгжмийн наадамд оролцохоор явсан рок хамтлаг байсан гэнэ.
Эх сурвалж: CNN