АНУ-д ажилгүйдлийн тэтгэмж авах хүсэлтэй иргэдийн тоо сүүлийн таван долоо хоногт анх удаа нэмэгджээ.
АНУ-ын Хөдөлмөрийн яамны орон нутгийн цагаар 14-ний өдөр мэдээлснээр, “Өнгөрсөн долоо хоногт буюу есдүгээр сарын 3-9-ний хооронд ажилгүйдлийн тэтгэмж авах хүсэлт шинээр ирүүлсэн иргэдийн тоо 220 мянгад хүрсэн” хэмээн мэдэгдэв. Энэ нь өмнөх долоо хоногтой харьцуулахад 3000-аар нэмэгдсэн үзүүлэлт болж буйгаас гадна сүүлийн 5 долоо хоногт анх удаа өсөх хандлагатай гарч буй нь энэ юм. Хамгийн багадаа хоёр долоо хоногийн хугацаанд ажилгүйдлийн тэтгэмж авахаар хүсэлт гаргасан “урт хугацааны ажилгүй иргэд”-ийн тоо 1.688 сая болсон нь өмнөх долоо хоногоос 4000-аар нэмэгдсэн үзүүлэлт болжээ.
Гэсэн хэдий ч АНУ-ын хөдөлмөрийн зах зээл тун идэвхтэй хэвээр байгаа юм. Тухайлбал АНУ-ын ажилгүйдлийн түвшин өнгөрсөн сард 3.8 хувьд хүрч түүхэн дэх хамгийн бага түвшинд хүрэхэд тун ойрхон очсон билээ. Энэ нь инфляцын түвшнийг зорилтот 2 хувьд хүргэхийн тулд хөдөлмөрийн зах зээлийн халуурлыг намжаах чинхүү хүсэлтэй Холбооны нөөцийн сангийнхны санаа зовнилыг улам гүнзгийрүүлэх төлөвтэй байна. АНУ-ын төв банк буюу Холбооны нөөцийн сан энэ сард болох Холбооны Нээлттэй Зах зээлийн Хорооны хурлаар бодлогын хүүг нэмэгдүүлэхгүй байх шийдвэр гаргана гэх хүлээлт зах зээлд үүсээд байгаа юм.
Эх сурвалж: Hankyung