Америкийн бизнес эрхлэгч Жефф Безос өөрийн үүсгэн байгуулсан Амазон /Amazon/ компанийн 50 сая хувьцааг нэг жилийн дотор зарахаар төлөвлөж байгааг корпорацын цахим хуудсанд нийтэлсэн АНУ-ын Үнэт цаас, биржийн комиссын тайлан харуулжээ.

Баримт бичгээс үзэхэд уг төлөвлөгөөг 2023 оны 11 дүгээр сард хэлэлцэн тохиролцсон бөгөөд Ж.Безост 2025 оны нэгдүгээр сарын 31-нд дуусах хугацаанд Amazon-ы 50 сая хүртэлх энгийн хувьцааг тодорхой нөхцөлөөр худалдах боломжийг олгох юм. Хувьцааны нийт үнэ нь одоогийн үнэт цаасны ханшаар тооцвол 8.6 тэрбум орчим ам.доллар болох аж.

Корпорацын бусад удирдлага мөн хувьцаагаа худалдахаар төлөвлөж байгаа бөгөөд нийт 440 мянга орчим үнэт цаас зарах ажээ.

Ж.Безос одоогоор Amazon компанийн 988 орчим сая хувьцааг эзэмшдэг байна. Тэрбээр компаниа 1994 онд анх цахим номын худалдааны дэлгүүрийн хувиар үүсгэн байгуулж байсан бөгөөд өдгөө тус компани интернэтээр дамжуулан бараа бүтээгдэхүүн худалдаж, үйлчилгээ үзүүлдэг дэлхийн томоохон компаниудын нэг болжээ.

Эх сурвалж: ТАСС /МОНЦАМЭ агентлаг/