Нарнаас ялгарч буй цэнэгжсэн бөөмсийн урсгалыг ажиглах аварга том радио дуран авайг Хятадад барьж дуусгажээ.
Асар их хүчин чадалтай одон орны энэхүү төхөөрөмжийн техникийн туршилтыг өнгөрөгч баасан гарагт амжилттай гүйцэтгэсэн байна.
Уг төслийг Хятадын ШУА-ийн сансрын судалгааны үндэсний төв удирдан явуулжээ. Аварга том радио дуран авайг Хятадын хойд нутгийн ӨМӨЗО-д суурилуулсан байна.
Энэхүү дуран авайгаар Хятадын мэргэжилтнүүд Нарны салхины нөлөөн дор алс холын эх үүсвэрээс ирж буй радио дохионы хэлбэлзлийг өдөр бүр ажиглах ажээ. Ингэснээр агаарын тээвэр, сансрын төсөл, харилцаа холбоо, навигацийн хэрэгсэл, эрчим хүчний системийн үйл ажиллагааг доголдуулдаг соронзон мандал, ионосферийн өөрчлөлтөд цаг тухайд нь хариу арга хэмжээ авах боломжтой болно гэж үзэж байна.
Эх сурвалж: Xinhua /МОНЦАМЭ агентлаг/