Мексикт сонгуулиас болоод ард иргэд, нэр дэвшигчдийн эсрэг хүчирхийлэл, эмх замбараагүй байдал үргэлжилж байна.

Тухайлбал, өчигдөр/06.03/ Мексикийн төв нутгийн Пуэбла мужийн Койомепан дахь санал хураах байранд зэвсэгт этгээдүүд дайран орж, сонгогчид болон сонгуулийн ажилтнуудыг айлган сүрдүүлж, гал нээн дор хаяж нэг хүний аминд хүрчээ.

Пуэбла мужийн өөр нэг хот Тлапаналад мөн баг зүүж, юүдэнтэй цамц өмссөн зургаа, долоон хүн сургуулийн танхимд зассан санал хураах байрнаас саналын хайрцаг, хуудсуудыг авч зугтжээ. Тэднийг зогсоохоор гал нээхэд нэг нь оногдож амьсгал хураасан байна.

Керетаро мужид мөн цагдаа нар дор хаяж дөрвөн санал хураах байранд халдсан, саналын хайрцаг шатаасан мотоциклтой хүмүүсийг мөрдөн шалгаж байна.

Бас өчигдөр нь/06.02/ сонгуулийн өмнөхөн хотын консулд нэр дэвшигч буудуулж амиа алджээ. Эх сурвалжуудын мэдээлснээр нэр дэвшигч асан гэрийнхээ гадаа хүнтэй юм ярьж зогсоход нь мотоциклтой этгээд гал нээгээд зугтжээ.

Түүнээс гадна өнгөрсөн сарын 29 буюу сонгуулийн кампанит ажлын эцсийн өдөр баруун жигүүрийн сөрөг хүчний эвслээс Коюкка де Бенитес хотын даргад нэр дэвшиж байсан Альфредо Кабрераг дэмжигчидтэйгээ гар барин мэндчилж байхад зэвсэгт этгээд толгойд нь буудан хороосон билээ.

Эрх баригчдын тооцоолсноор энэ сонгуулийн үеэр дор хаяж 25 нэр дэвшигч нас барсан байна.

Эх сурвалж: Yonhap