![](c/2406/79-W1840EX-C34QT1X-BA5ECHM-2O.jpg)
ОХУ-ын түрэмгийллээс сэргийлэн хамгаалалт, бэхлэлт байгуул хэмээн Киевт илгээсэн 491 сая ам.долларыг дарга нар нийлэн завшсан, хулгайлсан байдал тогтоогдоод байгааг парламентын гишүүн Михаил Бондар мэдээлжээ.
Иймд Украинын хууль сахиулагчид 491 сая ам.доллар алдагдсан хэрэгтэй холбоотой 30 орчим хавтаст хэрэг нээн шалгаж эхэлсэн байна. Бондарын мэдээлж байгаагаар ОХУ-ын цэрэг маш хурдан давшиж байгаа нь дээрх 491 сая ам.доллар алга болж, хамгаалалт, бэхлэлт хийгдээгүйтэй холбоотой гэнэ.
Улмаар хууль тогтоогчид батлан хамгаалахын сайд, орон нутгийн цэргийн дарга нараас дээрх мөнгөний талаар мэдээлэл өгөхийг шаардаж эхэлсэн байна.
Эргэн санавал, өнгөрсөн сард Харков нутгийн цэргийн болон иргэдийн захиргаа бэхлэлтийн барилгын материал авах нэрийдлээр хуурамч компаниудад хэдэн сая ам.доллар төлсөн тухай хэвлэл мэдээллийн хэрэгслүүд шуугиж байсан юм.
Эх сурвалж: RT