Тайванийн Economic Daily, Yonhap News зэрэг хэвлэл мэдээллийн хэрэгслүүд 3-ны өдөр эх сурвалжаас иш татан мэдээлснээр, хагас дамжуулагч үйлдвэрлэлээрээ дэлхийд тэргүүлэгч TSMC компани АНУ-ын Аризона мужид 2 нанометр ба түүнээс дээш өндөр технологи бүхий гурав дахь үйлдвэрээ барихаар төлөвлөж байгаа талаар онцолжээ.
Эх сурвалжийн мэдээлснээр, тус компани нь АНУ-ын Аризона муж дахь үйлдвэрийнхээ бүтээн байгуулалтыг дуусгаад 2029 оны эцэс гэхэд хамгийн сүүлийн үеийн хагас дамжуулагч үйлдвэрлэж эхлэхээр төлөвлөж байгаа аж.
TSMC нь Аризона мужийн Финикс хотод хагас дамжуулагч үйлдвэрлэх хоёр үйлдвэр барихад 40 тэрбум ам.долларын хөрөнгө оруулалт хийгээд ба 4 нанометрийн хагас дамжуулагч массаар үйлдвэрлэх эхний үйлдвэрийг ирэх оны эхний хагаст дуусгахаар төлөвлөж байгаа юм. Хоёрдахь үйлдвэр нь 2028 оноос эхлэн 2 нанометрийн хагас дамжуулагчийн технологиор цахиур хавтан үйлдвэрлэхээр төлөвлөж байна.
TSMC-ийн 2026 оны хоёрдугаар хагасаас массаар үйлдвэрлэж эхлэх ‘A16’ 1.6 нано процесс нь АНУ-ын Apple болон ChatGPT хөгжүүлэгч OpenAI компанийн хэрэглээний зориулалттай хагас дамжуулагч технологийг хөгжүүлэхэд зориулагдсан бүтээгдэхүүн юм.
Эх сурвалж: MBC