Алдарт дуучин Адел дахин урлагийн тайзнаас буухаа илэрхийлж, шүтэн бишрэгчдийнхээ сэтгэлийн шархыг сэдрээлээ.

Тэрээр Германы ZDF сувгаар саяхан цацагдсан нэгэн ярилцлага дээр үүнийгээ илэрхийлж “Яг одоо бол надад эрч хүч гээд байх юм алга. Дахиж дуу дуулах төлөвлөгөө байхгүй” хэмээжээ. Мөн тэрээр “Би хөгжмийн салбараас удаан хугацаагаар завсарлага авах бодолтой байна. Нэг хэсэгтээ өөр юм хийж үзэх санаатай. Би ер нь алдартай байх дургүй. Гэхдээ хөгжимд бол үргэлж дуртай” гэсэн байна.

Адел өмнө нь ч хэд хэдэн удаа хөгжмөөс завсарлан толгойгоо асрааж байсан түүхтэй. Анхны цомог “19”-өө тэрээр 2008 онд гаргаад, түүнээс бүтэн гурван жилийн дараа “21” цомгоо олны хүртээл болгож байв. Түүнээс хойш дөрвөн жил болж байгаад, 2015 онд “25” цомгоо гаргачхаад удтал завсарласны эцэст 2021 онд дөрөв дэх буюу “30” цомгоо дэлгэсэн юм.

Тэрээр 2015 онд Роллинг Стөүн сэтгүүлд “Карьер бол миний хувьд амьдрал биш, хобби” гэж товч тодорхой хэлж байсан юм.

Эх сурвалж: CNN