Лос Анжелес хотын дээд шүүхийн товоос харахад, Женнифер Лопез нөхөр Бен Аффлекаасаа албан ёсоор салах гэж байна.

Тухайлбал, мягмар гарагт буюу хуримынхаа ойгоор Лопез хоёр жил толгой холбосон нөхрөөсөө салах өргөдөл өгсөн аж.

Үүнээс өмнө сүүлийн үед хос хоёр тусдаа амьдарч байгаа талаар, мөн Беверли Хиллс дэх байшингаа зарсан, Лопез зуны аяллаа цуцлан гэрийнхэнтэйгээ зусаж байгаа талаар мэдээ цахим орчинд их тарсан юм.

Лопез, Аффлек хоёр анх хорь гаруй жилийн өмнө хамтдаа инээдмийн “Гигли” кинонд тоглосноос хойш амьдрал дээр дотно найзууд болсон түүхтэй. Түүнээс хойш хэн хэн нь тус тусын гэр бүлийг зохион явсан ч эцэстээ сэтгэлээ холбож нэг гэрт орсон юм.

Түүнээс гадна 2002 оны арван нэгдүгээр сард энэ хоёр сүй тавьж, 2003 оны есдүгээр сард хуримлахаар товлож байсан ч “дэндүү их олны анхаарлыг татаж байна” гэдэг шалтгаанаар хуримаа хойшлуулчхаад удалгүй хоёр тийшээ болсон билээ. Харин 2021 оны долоодугаар сард тэд дахин амьдралаа холбох гэж байгаа талаар цахим орчинд мэдэгдэж шуугиан тарьж байв. Удалгүй 2022 оны дөрөвдүгээр сард Аффлек дахин Лопезд гэрлэх санал тавьсан юм.

Эх сурвалж: CNN