Умард Солонгосын танилцуулсан шинэ зэвсгээс харвал Пёнян Украины дайны шинэ трендийг хоцролгүй дагахаар шийдсэн бололтой.

Тухайлбал, Умард Солонгосын төрийн мэдээллийн агентлаг Ким Жон Ун өөрийн биеэр энэ сарын 24-нд Батлан хамгаалахын шинжлэх ухааны академийн нисгэгчгүй агаарын технологийн судалгааны хүрээлэнгийн бүтээсэн зэвсгийн туршилтыг үзэж сонирхсон талаар энэ сарын 26-нд мэдээлжээ.

Нийтэд ил болгосон гэрэл зургуудаас харвал, Израилын Хароп дронтой ижил гурвалжин далавчтай, Оросын Ланчет дронтой ижил Х далавчтай хоёр дрон туршсан байна. Үүнээс үзвэл, прон зэвсэг хөгжүүлэхэд Оросын талаас тусалсан байж болзошгүй харагдаж байгаа юм.

Туршилтын үеэр танкийг дуурайлган хийсэн загварын эгц дээрээс туршилтын дрон бууж, бүрэн устгасан байна.

Орчин цагийн хуурай газрын тулааны гол хэрэгсэл болсон танк дөрвөн талаасаа зузаан хуягтай, дайсны сум эсэргүүцэх системтэй байдаг ч эргэдэг цамхаг, багийнхны орц гарц гэх мэт хэсэгтэй учир дээд талаасаа хамгийн эмзэг байдаг юм. Ийм ч учраас сүүлийн үед танкны дээрээс буудаг сум, зэвсэг олноор бүтээгдэж байгаа билээ.

Мэргэжилтнүүдийн үзэж байгаагаар Пёняны танилцуулсан дээрх дрон байгаа дагадаг, чиглэлээ өөрчилдөг, байн эгц дээрээс онилдог программ хангамжтай байж мэдэхээр харагдаж байгаа гэнэ.

Эх сурвалж: Yonhap