БНАСАУ-ын төрийн мэдээллийн агентлаг аялал жуулчлалыг дэмжих бодлогынхоо хүрээнд удаан хүлээлгэсэн далайн эргийн амралт, сувиллын хотхоноо 2025 оны тавдугаар сард нээхээр болсныг зарлалаа.

Энэ долоо хоногийн эхээр Ким Жон Ун өөрийн биеэр улсынхаа дорно эргийн Вонсан Кальма хотхонд зочилж, хотхоны бүтээн байгуулалтын ажлын шалгангаа удирдах албан тушаалтнуудтайгаа инээмсэглэн зураг татуулжээ.

Тэрээр “Далайн эргийн гайхамшгийн орон амжилттай байгуулагдаж дуусмагц жуулчдын хамгийн шилдэг амралтын газар болохыг дэлхий харна” хэмээн ярьжээ.

Пёнян хэдэн жилийн өмнөөс гадаадын жуулчдыг татах зорилгоор тансаг зэрэглэлийн зочид буудлууд, байгууламжууд барьж эхэлсэн билээ. Гэвч цар тахал, барилгын материалын хомсдол зэргээс болж бүтээн байгуулалтын ажил хэд хэдэн удаа хойшилсон юм.

Вонсан бол Ким Жон Уны гэр бүлээрээ очиж амрах дуртай газар билээ. Тиймдээ ч тэд Вонсанд тусдаа далайн эрэг, галт тэрэгний өртөө зэрэгтэй өндөр харуул хамгаалалттай амралтын газар эзэмшдэг билээ.

Түүнээс гадна Вонсанд байрладаг нисэх онгоцны буудал дэргэдээ пуужин хөөргөх талбай, ажиглах бүхээгүүд бүхий пуужингийн туршилтын талбайтай.

Эх сурвалж: Business Insider