Парисын олимпод оролцохоор очсон Австралийн усан пологийн хэд хэдэн тамирчны Ковид-19 шинжилгээний хариу эерэг гарснаар цар тахал дахин дэгдэх вий гэсэн болгоомжлол олны дунд тараад байна.

Тухайлбал, лхагва гарагт Австралийн тамирчдаас шинжилгээ авч үзэхэд, усан пологийн эмэгтэй багийн таван тамирчны хариу эерэг гарчээ.

Олимпын хэвлэлийн төлөөлөгчийн мэдээлснээр, дээрх үйл явдалтай холбоотойгоор олимпод оролцохоор цугласан тамирчин нэг бүрд эрүүл мэндээ онцгой анхаарах, амны хаалт зүүх, зайгаа барьж, олноор цуглахгүй байх, гараа тогтмол угаах зэрэг зөвлөмж хүргэн урьдчилан сэргийлж ажиллаж байгаа гэнэ.

Харин Австралийн зүгээс халдвар авсан тамирчдаа эмчлэн, бусдаас зай бариулж байгаа талаараа мэдэгдсэн байна. Тэд Ковид-19 өвчнийг энгийн томуунаас ялгаагүй хэмээн үзэж, “Энэ бол Токио 2022 биш. Ковид бол одоо ердөө л ханиад төдий” хэмээсэн байна.

Эх сурвалж: CNN