АНУ-ын шүүх Google компани цахим хайлтын системийн хувьд ганцаар ноёлохыг эрмэлзэн өрсөлдөөнийг хууль бус аргаар нугачин дарж байна гэж үзжээ.

АНУ-ын шүүхийн даваа гарагт гаргасан эл чухал шийдвэрээс үүдэн Google компанийн толгой компани болох Alphabet компанийн үйл ажиллагаа багагүй өөрчлөгдөж магадгүй болоод байна.

Тухайлбал, АНУ-ын хууль зүйн департмент 2020 онд Google-ийг цахим хайлтын зах зээлийн 90 хувийг ганцаар эзэлж байгаагаас нь болж шүүхэд дуудсан билээ.

Гэвч одоогийн байдлаар тус компанид ямар хариуцлага тооцох нь тодорхой болоогүй байна. Өөрөөр хэлбэл, ямар торгууль, шийтгэл ноогдуулахыг дараа дараагийн шүүхийн сонсголууд дээр зарлах юм байна.

Шүүгч Эмит Мехтагийн дүгнэснээр тус компани Samsung, Apple, Mozilla тэргүүтэй ухаалаг утас, веб хөтчийн компаниудад жил бүр тус тус 10 тэрбум гаруй ам.доллар төлж үндсэн хайлтын систем нь хэвээрээ байдаг хэмээгээд, энэ нь бусад компаниудын шударга өрсөлдөх боломжийг боомилсон үйлдэл мөн гэж дүгнэсэн юм.

Хариуд нь Google компани давж заалдахаа мэдэгдсэн ч цаашдын шийдвэр хэрхэн гарахаас хамааран тус компанийн бүтцийг задлах хэмжээнд арга хэмжээ авч ч болзошгүй болоод байгаа гэнэ.

Эх сурвалж: BBC