Стриминг үйлчилгээгээрээ дэлхийд тэргүүлэгч Америкийн Netflix компанийн хувьцааны үнэ бүх цаг үеийн дээд цэгтээ хүрчээ.

Орон нутгийн цагаар 20-ны өглөө Нью-Йоркийн хөрөнгийн бирж дээр Netflix-ийн хувьцаа 711.33 ам.доллароор арилжаалагдсан нь олон нийтэд нээлттэй компани болсноос хойших хамгийн өндөр үнэ аж.

Тус компанийн хувьцааны үнэ энэ он гарснаас хойш 43 хувиар өссөн нь технологийн хувьцаанд төвлөрдөг Nasdaq индексээс ч даваад байгаа юм.

Netflix-ийн хувьцаа сүүлийн үед ийнхүү өсөх болсон нь "Squid Game 2" зэрэг үзэгчдийн хүсэн хүлээж буй алдартай цуврал киноны дараагийн улиралтай гэрээлсэн зэрэгтэй холбоотой.

Netflix “Squid Game 2”, “Wednesday” зэрэг олон ангит кинонууд болон Америкийн мэргэжлийн хөлбөмбөгийн зул сарын баяраар цацагдах сурталчилгааны түншлэлийн гэрээнд гарын үсэг зурсан талаар Ройтерс мэдээлсэн бөгөөд "Америкийн мэргэжлийн хөлбөмбөгийн тэмцээн болон "Squid Game" нь урьдчилсан төлбөрт зар сурталчилгааны гэрээ хурдацтай өсөхөд нөлөөлж байна" хэмээн дүгнэв.

Эх сурвалж: MBC