Цахилгаан нисэх онгоц бүтээх оролдлого олон жилийн турш амжилт эс олон, олон ч гарааны бизнесүүд дампуурсан билээ. Тэгвэл Нидерландаас гаралтай Элисиан хэмээх нэгэн гарааны бизнес дээрх байдлыг өөрчлөх, цахилгаан онгоцыг амжилттай хөөргөх аргыг олсон гэв. Тэдний амлаж байгаагаар шинэ бүтээл нь 90 зорчигчийг 800км зайд тээвэрлэх чадалтай гэнэ.
Элисиан компанийн гүйцэтгэх захирал Даньел Росен Жэкобсоны тайлбарласнаар бол, одоог хүртэл цахилгаан хөдөлгүүртэй нисэх онгоцыг амжилттай бүтээж чадахгүй байгаагийн шалтгаан нь баттерейн хөгжлийг хүмүүс нисэх онгоцны загварт тааруулахын төлөө буруугаар төсөөлж байсантай холбоотой гэнэ. Тиймээс тэдний компани баттерейг биш онгоцны загвар, хэлбэрийг баттерейн хүчин чадалд тааруулан өөрчилснөөр дээрх асуудлыг шийдэхээр ажиллаж байгаа гэнэ.
Үр дүнд нь тэд Е9Х хэмээх 90 зорчигчийн багтаамжтай цахилгаан онгоцны загвар гаргасан нь энгийн онгоцноос том далавч, нарийн их биетэй, хоёроос дөрвөн тийрэлтэт хөдөлгүүрийн оронд найман сэнст хөдөлгүүртэй, тэр нь далавчинд байрлах баттерейгаар тэжээгддэг байх гэнэ. Мөн тус онгоцны аэродинамик болоод энгийн онгоцны байранд байрлуулах талуудыг бодолцон далавч нь эвхэгддэг байхаар тооцоолж байгаа аж.
Загвар одоохондоо зөвхөн цаасан дээр байгаа бөгөөд бодит хэмжээтэй туршилтын загварыг 2030 он гэхэд бүтээж дуусах юм байна.
Эх сурвалж: Business Insider