Бээжингийн цагдаа нар Парисын олимпын эмэгтэй ширээний теннисийн финалын тэмцээний үеэр цахим орчинд Хятад улсаас олимпод оролцож буй тамирчин, дасгалжуулагч нарыг муулсан утгатай сэтгэгдэл бичсэн эмэгтэйг саатуулан шалгаж эхэлжээ.
29 настай Хө овогтой сэжигтнийг зориудаар үнэнийг гуйвуулан мэдээлж, бусдын нэр хүндэд бүдүүлгээр халдсан хэмээн цагдаа нар үзэж байгаа юм байна.
Эргэн санавал, наймдугаар сарын 3-нд болсон тус тэмцээнээр аварга Чен Мен өрсөлдөгч Сун Еиншаг буулган авч, байр сууриа хадгалж чадсан билээ.
Тэмцээний үеэр үзэгчид Сунг илт дэмжиж, Ченийг эсэргүүцсэн хандлага гаргаж байсныг хожим хүмүүс ихэд шүүмжилсэн юм.
Эх сурвалж: Reuters