Японы цаг уурын агентлаг түүхэндээ анх удаа мега буюу асар хүчтэй газар хөдлөлт болж болзошгүй тухай анхааруулга зарлалаа. Үүнээс өмнө пүрэв гарагт тус улсын гурав дахь том арал Кюүшүд 7.1 магнитудын хүчтэй газар хөдөлсөн билээ.

Газар хөдлөлтийн дараа мэргэжилтнүүд яаралтай хуралдан олон жилийн турш маш хүчтэй газар хөдөлж олон хүний аминд хүрч болзошгүй хэмээн айдас дагуулж байгаа Нанкай хотгорт чичиргээ мэдрэгдсэн эсэхийг хэлэлцэн дүгнэсэн байна. Агентлагийн мэдээлснээр Японы төв болон өрнө хэсгээр 100-150 жил тутамд асар хүчтэй газар хөдөлдөг юм санж.

Японы засгийн газрын тооцоолж байгаагаар Нанкай хотгорт 30 жилийн дотор мега газар хөдлөлт болох магадлал 70-80 хувь байгаа гэнэ. Иймд Японы цаг уурын агентлаг “Мега газар хөдлөх эрсдэл хэвийн үеийнхээс харьцангуй өндөр түвшинд хүрээд байна” хэмээн мэдээлж, дараа долоо хоногт ард иргэд сонор сэрэмжтэй, бэлэн байдалд байхыг уриалжээ.

Эх сурвалж: RT