Польшийн Ерөнхийлөгч Анжей Дуда Зэвсэгт хүчний өдрөөр цэрэг, цагдаа, хилийн цэргийн албан хаагчдын зэвсгийн хэрэглээг өргөжүүлж, гал нээсэн тохиолдолд эрүүгийн хариуцлагаас чөлөөлөх тухай хуульд гарын үсэг зурлаа гэж түүний ажлын алба мэдэгдэв.

Шинэ хуулиар цэргийнхэн энхийн цагт улсын дотоод ажиллагаанд оролцох болон тийм нөхцөлд галт зэвсэг ашиглах журмыг тогтоосон байна.

Үүнээс гадна хил хамгаалж байгаа цэрэг өөрийн болон бусдын амь насыг хамгаалахын тулд гал нээсэн бол одоо мөрдөгдөж буй дүрэм журмыг зөрчсөн ч эрүүгийн хариуцлага хүлээхгүй гэсэн нэмэлт өөрчлөлтийг Польшийн Эрүүгийн хуульд оруулжээ. .

Дудагийн онцолсноор дээрх хууль хил болон бусад газрыг илүү сайн, илүү үр дүнтэй хамгаалахын зэрэгцээ Польшийн цэргүүдийн аюулгүй байдлыг хангах зорилготой гэнэ.

Эл хуулийг Беларусьтай хиллэдэг Варшавт босгосон хашааны завсраар шургасан дүрвэгч польш цэргийг хутгалж хөнөөснөөс нэг сар хагасын дараа буюу долоодугаар сард парламент Сейм нь баталсан юм.

Эх сурвалж: RT