Газын зурваст Израил, ХАМАС бүлэглэлийн хооронд 10 сарын турш үргэлжилж буй дайныг түр зогсоож, барьцааны хүмүүсийг суллах асуудлаар Каир хотноо болсон өндөр түвшний хэлэлцээ ням гарагт тохиролцоонд хүрэлгүйгээр өндөрлөлөө гэж АНУ-ын албаны төлөөлөгч мэдээлжээ. Гэхдээ санал зөрөлдөөнийг арилгахын тулд ойрын өдрүүдэд төлөөлөгчдийн түвшнийг бууруулан хэлэлцээг үргэлжлүүлэх ажээ.

Хэлэлцээний талаар нэрээ нууцалсан төлөөлөгчийн хэлснээр, холбогдох албаны төлөөлөгчид Каир хотод үлдэж, АНУ, Катар, Египетийн зуучлагчидтай уулзах ажээ. Каир хотноо өнгөрсөн пүрэв гаргаас ням гаргийн хооронд үргэлжилсэн яриа хэлэлцээг уг төлөөлөгч “бүтээлч” гэж тодорхойлоод, бүх тал “эцсийн бөгөөд хэрэгжих боломжтой тохиролцоонд хүрэхийн төлөө ажиллаж” байгааг онцолжээ.

Хэлэлцээнд АНУ-ын Тагнуулын төв газрын дарга Уильям Бернс, Израилын Моссад тагнуулын албаны дарга Дэвид Барнеа нар оролцжээ. Харин ХАМАС-ын төлөөлөгчдөд Египет, Катарын зуучлагч нар мэдээлэл өгсөн ба тэд хэлэлцээнд шууд оролцоогүй байна.

Эх сурвалж: МОНЦАМЭ