ОХУ-ын Ерөнхийлөгчийг дайны гэмт хэрэгтэн хэмээн үзэж, баривчлах тухай ОУЭШ-ийн тогтоолыг биелүүлэхээс татгалзсан шалтгаанаа Монголын засгийн газрын төлөөлөгч эрчим хүч, шатахууны хараат байдалтайгаа холбон албан ёсоор тайлбарлажээ.
Товчхондоо, 2023 онд ОУЭШ В.Путинг хууль бусаар хүүхдүүдийг нүүлгэн шилжүүлсэнд буруутган, гишүүн орнууддаа хэрэв Путин ирвэл баривчлах заавар өгсөн билээ. Гэвч ОУЭШ-ийн гишүүн Монгол улс дээрх зааврыг дагахаас татгалзан Путинг ямар нэг саадгүй урьж, уулзаж, үдсэн билээ. Уулзалтын үеэр В.Путин Монголын Ерөнхийлөгч У.Хүрэлсүхийг дараа сард Казанд болох БРИКС чуулганд урьж, У.Хүрэлсүх урилгыг нь дуртайяа хүлээн авсан юм.
Иймд тус үйл явдлыг тайлбарлан Монголын засгийн газрын төлөөлөгч POLITICO.EU агентлагт цахим шуудан илгээхдээ “Монгол улс шатахууныхаа 95 хувийг, эрчим хүчнийхээ 20 хувийг умард хөршөөсөө импортолдог. Энэ нийлүүлэлт манай улсын оршин тогтнол болоод ард түмний амь амьдралд нэн зайлшгүй чухал. Монгол улс бүх дипломат харилцаандаа төвийг сахих бодлого баримталдаг, үүнийгээ ч цаашид баримтална” гэжээ.
Эх сурвалж: POLITICO
Зөв шүү дээ