Хятадын талд тагнуул хийсэн гэм буруугаа хүлээсэн АНУ-ын Тагнуулын төв газрын /ТТГ/ ажилтан асанд 10 жилийн хорих ял оноолоо гэж АНУ-ын Хууль зүйн яам мэдэгджээ.
Өдгөө 71 настай Александр Юк Чин Ма үндэсний батлан хамгаалахын мэдээллийг цуглуулж, Хятадад дамжуулахаар завдсан гэм буруугаа хүлээснийхээ хариуд өнгөрсөн тавдугаар сард прокурортой тохиролцоонд хүрсэн гэж Хууль зүйн яамны мэдэгдэлд дурдсан байна.
ТТГ-т 1982-1989 онд ажиллаж байсан Ма мөн тус байгууллагад ажиллаж байсан хамаатныхаа хүнтэй /өдгөө нас барсан/ хуйвалдаан зохиосон байна. Тэд 2001 оны гуравдугаар сард Хятадын тагнуулын ажилтнуудтай холбогдон батлан хамгаалахын салбарын “их хэмжээний” нууц мэдээллийг хүлээлгэн өгснийхөө хариуд 50 мянган ам.доллар авсан гэж тус яам мэдээлжээ.
Эх сурвалж: МОНЦАМЭ