Дэлхийн хамгийн хуурай газар гэгддэг Чилийн цөлд өвлөөр цэцэг дэлбээлж, олны анхаарлыг татаад байна.
Нутгийн хэвлэл мэдээллийн хэрэгслүүдийн мэдээлж байгаагаар Чилийн умард нутгийн Алакама цөлд сүүлийн хэд хоногт өнгө өнгийн цэцэгс дэлбээгээ нээж байгаа гэнэ. Уг нь тус цөлд есдүгээр сараас аравдугаар сарын хооронд буюу тухайн бүс нутгийн хавраар таваас долоон жил тутамд нэг удаа цэцэг цэцэглэдэг аж.
Харин долоодугаар сар тухайн нутгийн хувьд өвлийн дунд сартай дүйцэх агаад 2015 оноос хойш есөн жил ийм үзэгдэл тохиогоогүй байжээ.
Энэ жил цэцэгс эрт дэлбээлж байгаа нь бороо хур ихтэй байснаас болж байгаа хэмээн мэргэжилтнүүд дүгнэж байгаа гэнэ. Түүнчлэн дараагийн зургаан долоо хоногийн турш дор хаяж 15мм хур тунадас орох төлөвтэй байгаагаас харахад наймдугаар сар гэхэд Алакама цөл цэцгэн гоёлоо бүрэн нөмөрсөн байх бололтой.
Хорьдугаар зууны сүүлээс эхлэн Чилийн засгийн газар, нутгийн удирдлагууд цэцэгт цөлөө хамгаалах зорилгоор машинтай цөл дээгүүр зорчих, цэцэг туухийг хуулиар хатуу хориглон, түүнийгээ чанд сахиулж байгаа билээ.
Эх сурвалж: Yonhap