БНСУ-ын IPTV үйлчилгээ үзүүлэгч GenieTV энэ сарын 15-ны өдрөөс эхлэн зурагтын хөтөлбөрийн гадаад хадмал орчуулгын үйлчилгээндээ монгол, орос хоёр хэлийг нэмжээ. Улмаар монголчууд Өмнөд Солонгосын зурагтын шууд нэвтрүүлгүүдийг тус үйлчилгээгээр дамжуулан эх хэл дээрээ цаг алдалгүй үзэх боломжтой болж байна.
GenieTV бол БНСУ-ын голлох үүрэн холбооны KT операторын эзэмшдэг IPTV билээ. Тэд зурагтын нэвтрүүлэг, кино сан, хүүхдийн хөтөлбөр, спорт, баримтат кино гэх мэт олон төрлийн үйлчилгээ үзүүлдэг юм. Чухамдаа эл IPTV анх Olleh нэртэй үйл ажиллагаагаа эхэлж байсан ч 11 жилийн дараа 2022 онд нэрээ солин шинэчлэгдсэн нь энэ. Энэ сард монгол, орос хоср хэлийг нэмснээр тус үйлчилгээ англи, япон, хятад, тайвань тэргүүтэй нийт 12 хэлээр хадмал орчуулга гаргадаг болж байгаа юм.
Эх сурвалж: Yonhap