![](c/2407/10-H1KMBSB-59RC0FO-U1KZNNQ-1M.jpg)
Нарны хавтан, салхин сэнс улам олширсноор урьд үзэгдэж байгаагүй үйл явдал болж, цахилгааны үнэ хасах дүнд хүрчээ.
Хэдий энэ үйл явдал цахилгааны үнэ улам улам өсөж байгаа энэ цагт хэрэглэгчдийн хувьд тун таатай боловч дэлхийн уур амьсгалын өөрчлөлттэй тэмцэх гол салбаруудын нэг болсон сэргээгдэх эрчим хүчний хөгжилд сөргөөр нөлөөлж болзошгүй юм.
Олон улсын эрчим хүчний агентлагийн мэдээлснээр Австралийн өмнөд нутгуудаар өнгөрсөн оны 20 хувьд нь цахилгааны үнэ хасах дүнтэй байсан бол Калифорнийн өмнөд хэсэгт энэ оны эхний хагасын хорь гаруй хувьд цахилгааны үнэ хасах руу орсон нь өмнөх оны мөн үеийнхээс гурав дахин өссөн үзүүлэлт гэнэ.
Түүнчлэн Францад оны эхний хагасын таван хувьд цахилгааны үнэ хасах руу орсон нь мөн л өмнөх оныхоос давсан үзүүлэлт юм. Швейцарийн хувьд долоодугаар сарын 14-ний байдлаар нэг мегаватт цахилгааны үнэ -400 еврод хүрсэн гэв. Ер нь нарны гэрэл хамгийн хурц тусдаг тул зуны дунд сард цахилгааны үнэ хамгийн доод дүндээ хүрдэг аж.
Эх сурвалж: AFP