Москва, Киев харилцан нас барсан цэргүүдийнхээ цогцсыг солилцсон талаар Парламентын гишүүн Шамсаил Саралиев мэдээллээ.

Түүний хэлснээр Оросын Батлан хамгаалах яам Украинд 250 цэргийн цогцос хүлээлгэн өгч, эргүүлээд 38 цэргийнхээ цогцсыг хүлээн авсан байна.

Мөн Украины Дахин нэгтгэх яамны мэдээлснээр Киев 250 цэргийнхээ цогцсыг хүлээн авсан гэжээ. Гэхдээ тэд Оросын талд хэдэн цогцос хүлээлгэн өгсөн талаар мэдээлээгүй байна.

Энэ мэтээр амь үрэгдсэн цэргүүдээ солилцох үйл ажиллагаа бараг сар тутам болдог билээ. Тавдугаар сард л гэхэд ОХУ-ын талаас Украинд 212 цогцос хүлээлгэн өгч, 45 цогцос авсан байдаг. Харин зургаадугаар сард ам үрэгдсэн 250 украин цэрэг, 32 орос цэрэг нутагтаа буцаагдсан юм.

Мөн ОХУ-ын Батлан хамгаалах яамны мэдээлснээр зургаадугаар сард нийт 60 мянга гаруй украин цэрэг амь үрэгдсэн гэнэ.

Эх сурвалж: RT