Индонезийн Флорес арал дээр жаран мянга гаруй жилийн өмнө амьдарч байсан хүн төрөлхтний ойрын хамаатан Хомо флоренсисын олдвор 2013 онд олдсоноос хойш тэднийг орчин цагийн хүн төрөлхтнөөс жижигхэн биетэй учир хүмүүс хоббит хэмээн нэрлэх болсон билээ.
Тэгвэл мөн арал дээрээс олдсон өөр нэгэн яс, шүдний үлдэгдлийг олон улсын эрдэмтдийн баг шинжилж үзсэний эцэст 700 мянган жилийн тэртээ амьдарч байсан хамгийн жижиг буюу насанд хүрсэн нь дунджаар 100см өндөртэй хүн төрөлхтний үлдэгдэл мөн болохыг баталжээ.
Өөрөөр хэлбэл, тус хоббитууд Хомо эрэктусаас салбарлан хувьсаж, 60 мянган жилийн тэртээ амьдарч байсан Хомо флоренсисын өвөг болсон гэж үзэж болохоор байгаа юм.
Хомо флоренсууд эрт үеийн Хомо сапиенстай нэгэн үед амьдарч байсан агаад маш намхан 106см дундаж өндөртэй байжээ.
Хамгийн сонирхолтой нь алдарт Ж.Р.Р.Толкины Бөгжний эзэн, Хоббит зохиолуудад хүн төрөлхтний ойрын хамаатан хоббит гэгч ард түмэн дүрслэгддэг бөгөөд Толкин тэднийг 600-120см өндөртэй хэмээн тодорхойлсон байдаг.
Тийм ч учраас Хомо Флоренсисын олдвор олдсон даруйдаа олноос хоббит гэх нэр авчээ.
Эх сурвалж: Yonhap