Эрдэмтэд Улааннүдэн гаргийн чулуун гадаргуу доороос шингэн усны нөөц илрүүлжээ.

Улааннүдэн гараг дээр 2018 онд газардсан ҮАТСНА-ын Инсайт газардагчаас ирсэн мэдээллийг шинжилж үзээд эрдэмтэд дээрх дүгнэлтэд хүрчээ.

Газардагч дээр суурилуулсан сейсмометр төхөөрөмж дөрвөн жилийн турш улаан гаргийн гүнээс гарч байгаа чичиргээг тэмдэглэж авсан юм.

Ийнхүү тэмдэглэж авсан чичиргээг судлан тус гараг хэрхэн хөдөлдөг зэргийг тогтоох явцад яах аргагүй шингэн уснаас гарцаагүй шинж тэмдгүүд илэрсэн аж.

Үүнээс өмнө Улааннүдэнгийн туйлд мөс, агаар мандалд уур илэрч байсан ч шингэн төлөвтэй ус илэрсэн удаагүй билээ.

Газардагч төхөөрөмж дөрвөн жилийн турш буюу 2022 он хүртэл нийт 1319орчим газар хөдлөлт бүртгэн үүргээ биелүүлсэн юм.

Харин эрдэмтэд тухайн газар хөдлөлт, чичиргээний тархах хурдаар гаргийн бүтцийг тодорхойлсон байна. Мэргэжилтнүүдийн мэдээлснээр дэлхий дээр ч ус, газрын тосны нөөцийг энэ аргаар эрдэг гэнэ.

Үр дүнд нь эрдэмтэд Улааннүдэн гаргийн хөрснөөс 10-20км гүнд их хэмжээний шингэн усны нөөц байна хэмээн дүгнэжээ.

Мөн үүнтэй төстэй нөөц гаргийн гүнд хаа сайгүй байх магадлал өндөр, хэрэв үнэхээр тайм байвал тус гараг дээр нийт тухайн гаргаа нэг км орчим гүнтэй далайгаар бүтэн бүрхэж хүрэхүйц ус бий гэж таамаглаж болохоор байна.

Эх сурвалж: BBC