Африкийн дөрвөн оронд үхлийн аюулт мпокс өвчний халдварын тохиолдлууд батлагдаж, олон улсын эрх баригч, эрүүл мэндийн ажилтнуудыг сандаргаад байна.

Сармагчны цэцэг хэмээн нэрлэж байгаад албан ёсоор мпокс хэмээн нэрлэж эхэлсэн тус өвчний тохиолдол одоогийн байдлаар Конго улсад 14 мянга гаруй болж, 511 хүн нас бараад байгаа билээ. Гэвч сүүлийн үед өмнө нь халдварын тохиолдол бүртгэгдэж байгаагүй Бурунди, Кени, Руанда, Уганда дөрвөн улсад тархсан нь батлагдсан байна.

Иймд ДЭМБ яаралтай хуралдахаар төлөвлөж, тус хуралдаанаар өвчний тархалтыг олон улсын хэмжээнд авч үзэх эрүүл мэндийн аюул мөн эсэхийг тодорхойлохоор шийджээ.

Мпокс бол хүнээс хүнд, халдвартай амьтнаас хүнд халдах чадвар өндөртэй вирусээр үүсгэгддэг өвчин юм. ДЭМБ-ын анхааруулснаар тус өвчний вирус хүрэлцэх, үнсэлдэх, бэлгийн ажил хийх, мөн халдвартай хүний орны даавуу, хувцас, хэрэглэлээр дамжин халдварладаг гэжээ. Халдвар авсан хүнд халуурах, юм туурах, толгой өвдөх, булчин, нуруу өвдөх, ядрах, тунгалгийн зангилаа томрох зэрэг шинж тэмдэг илэрдэг аж.

Эх сурвалж: CNN