МОНГОЛ-ЯПОН улсын хооронд соёлын харилцаа тогтоосны 50 жилийн ойн хүрээнд хоёр улсын арьсан урлагийн уран бүтээлчдийн хамтарсан анхны үзэсгэлэнг 2024.08.15-наас 20-ны өдрүүдэд Монгол арт галерейн 2 давхрын үзэсгэлэнгийн танхимд зохион байгуулах гэж байна.

Хоёр орны соёлын харилцааг арьсан урлагаар дамжуулан олон нийтэд сурталчлан таниулах, туршлага солилцох, олон улсын арьсан урлагийн үзэсгэлэнг цаашид зохион байгуулах зорилготой. Тус үзэсгэлэнд 43 уран бүтээлчийн 100 гаруй уран бүтээл дэлгэгдэхээс Монгол 33 уран бүтээлчдийн 72 уран бүтээл, Японы 10 уран бүтээлчдийн 30аад уран бүтээл үзэгчдийн хүртээл болно. Үзэсгэлэнд ханын зураг, хөөмөл, уламжлалт арьсан сүлжмэл зангилаан аргаар хийсэн баримал , арьсан баримал, арьсан хүүхэлдэй, холимог техник гэх мэт олон аргаар хийгдсэн бүтээлүүд байна.

Тус үзэсгэлэнгийн үеэр: Япон болон Хятадын арьсан урлагийн мастер уран бүтээлч HONGHAO CAI багшийн арьсаар хагас товгор амьтан бүтээх нэг өдрийн сургалт 2024 оны 08.19-ний өглөө 10:00-17:00 хооронд болно.

Хаана: Монгол Арт Галерей /Дүнжингарав худалдааны төвийн урд/

Холбоо барих утас: 77198080, 89110244

Японы Арьсан урлагийн нийгэмлэгээс 4 дэх жилдээ зохион байгуулагдсан “Олон Улсын Арьсан Урлагийн үзэсгэлэн” 2024.06.29-07.02-ны өдрүүдэд Токио хотноо болж өндөрлөв. Тус үзэсгэлэнд Монголын арьсан урлагийн “ХҮРЭЛ БУГА” нийгэмлэгийн уран бүтээлчид амжилттай оролцож, Арьсан зургийн төрөлд Н.Мөнхтуул тэргүүн байр, Арьсан баримлын төрөлд Э.Бямбабаяр дэд байр, Чимэглэх урлагийн төрөлд Г.Баттөр III-р байр тус тус эзэллээ.

Эх сурвалж: Монголын арьсан урлагийн нийгэмлэг