Украины давшилт хурдтай, амжилттай байгаад сандарсан ОХУ-ын удирдлагууд хариу арга хэмжээ авч, хамгаалалтаа сайжруулахаар яарсандаа ажиллах хүч эрчимтэй эрж байгаа бололтой. Учир нь Оросын ажлын зар нийтэлдэг цахим хуудаснаа Курск мужид нуувч ухах ажлын байр олноор зарлагдаж байгаа аж.
Ажлын заруудаас харахад Курск мужид байрлан нуувч ухах боломжтой бүх хүмүүсийг ажилд "урьж", сарын 150-371 мянган рубль буюу 1600-4000 ам.доллараар цалинжуулна гэжээ.
Ийн яаруу сандруу ажиллах хүч цуглуулж байгаагийн том шалтгаан бол өнгөрсөн долоо хоногт Украины арми гэнэтийн цохилтоор Курск мужид цөмөрч, өөрсдийн нь мэдээлж байгаагаар ОХУ-ын 1000км.кв нутгийг хяналтдаа оруулсан билээ.
Эл үйл явдлыг ОХУ-ын талаас удирдлагын эргэлзээтэй тогтолцоо болон туршлагагүй цэргүүдтэй холбон тайлбарлаж байгаа бөгөөд Украины давшилтыг зогсоохоор хүч нэмэгдүүлэн ажиллахын зэрэгцээ хөрш Белгородоос 132 мянган иргэнээ нүүлгэн шилжүүлсэн байна.
Эх сурвалжуудын мэдээлж байгаагаар хиймэл дагуулаас авсан газрын зургаас харахад ОХУ Украины эзэлсэн шугамаас 16км орчим зайд нуувч ухаж, хаалт босгож байгаа гэнэ.
Эх сурвалж: Business Insider