Үхлийн аюултай мпокс халдварын хувилбар Шведэд бүртгэгдсэн нь тус өвчин дэлгэрч олон улсын анхаарлыг татсанаас хойш Африкаас гадна бүртгэгдсэн анхны тохиолдол болов.

Халвар авсан өвчтөн Африкт мпокс Клэйд1 халдвар эд тархаж байх үед тэнд очоод ирэхдээ халдвар авсан хэмээн эмч нар үзэж байгаа аж.

Үүнээс өмнөхөн ДЭМБ мпокс халдварыг олон улсын анхаарал хандуулах ёстой бүх нийтийн эрүүл мэндийн ноцтой асуудал хэмээн зарласан юм.

Төв болон дорно Африкийн орнуудаар тус халдвар тархсанаас хойш одоогийн байдлаар Конго улсад л гэхэд дор хаяж 450 хүн нас бараад байгаа юм.

Сармагчны цэцэг хэмээн нэрлэж байгаад албан ёсоор мпокс хэмээн нэрлэж эхэлсэн тус өвчин хүнээс хүнд, халдвартай амьтнаас хүнд халдах чадвар өндөртэй вирусээр үүсгэгддэг өвчин юм. ДЭМБ-ын анхааруулснаар тус өвчний вирус хүрэлцэх, үнсэлдэх, бэлгийн ажил хийх, мөн халдвартай хүний орны даавуу, хувцас, хэрэглэлээр дамжин халдварладаг гэжээ. Халдвар авсан хүнд халуурах, юм туурах, толгой өвдөх, булчин, нуруу өвдөх, ядрах, тунгалгийн зангилаа томрох зэрэг шинж тэмдэг илэрдэг аж.

Эх сурвалж: BBC