Хиймэл оюун ухааныг жинхэнэ аюул хэмээн үздэг америк бизнесүүдийн тоо хоёр жилийн хугацаанд тав дахин нэмэгдсэнийг судалгаан дээр үндэслэн эдийн засгийн Таймс сэтгүүл онцоллоо.
Тухайлбал, АНУ-ын том компаниудын талаас илүү буюу 56 хувь нь хамгийн сүүлийн үеийн тайландаа хиймэл оюун ухааныг “аюултай” хэмээн үзэж байгаагаа тусгасан байна.
Хоёрхон жилийн өмнө буюу 2022 онд гэхэд дээрх тоо ердөө есөн хувь байжээ. Дээрх судалгааг хийхдээ Arize AI судалгааны цахим платформ Фортюн сэтгүүлийн нэрлэсэн шилдэг 500 компанийг судалсан байна.
Эх сурвалжуудын мэдээлснээр хиймэл оюуны авчирч буй хамгийн том аюулуудын нэг бол шинэ технологийг зарим компани бусдаасаа хурдан, түрүүлж эзэмшсэнээр үүсэх ширүүн өрсөлдөөн гэнэ. Цаашлаад хиймэл оюун ухааны хүний эрх, ажил олголт, хувийн нууцад үзүүлж болзошгүй сөрөг нөлөөтэй холбоотой ёс зүйн асуудлууд багагүй аюул дагуулна гэж тэд үзсэн байна.
Хиймэл оюун ухааныг аюултай хэмээн үзэж буй байгууллагуудын дунд ихэнхийг нь буюу 90 хувийг нь Нетфликс, Дисней тэргүүтэй энтертайнмент салбарынхан бүрдүүлж байгаа юм.
Эх сурвалж: RT