Парисын 2024 оны олимпын 10м буудлагын мөнгөн медальт Ким Е Жи буудлагын спортыг олонд таниулахын тулд зар сурталчилгаа, кино, драмын саналуудыг идэвхтэй хүлээн авч байгаагаа дэлгэлээ.

Энэ сарын 20-нд Чёлланамд болсон Парисын олимпын буудлагын медальтны хэвлэлийн хурал дээр тэрээр нэгэн энтертайнмент компанитай гэрээ байгуулан ажиллаж байгаагаа мэдэгдэж, тэр талаараа “энэ шийдвэр маань буудлагын спортод илүү олон хүний анхаарлыг татахад тустай болов уу гэж бодсон юм” гэжээ.

Тэрээр Парисын олимпод амжилттай оролцсоноос гадна догь төрх байдлаараа олны анхаарлыг татаж, цахим орчинд од болоод байгаа юм. Тэмцээнийхээ дараахан “Би бол тамирчин болохоос жүжигчин биш. Кинонд тоглох төлөвлөгөө байхгүй” хэмээж байсан ч тэр одоо бодлоо өөрчилсөн бололтой “Надад олон интертайнмент, тоглоом бүтээгч, америк компаниудаас хамтарч ажиллах санал ирсэн. Иймд би бэлтгэл сургуулилалтын цагаас хороохооргүй байлгахаар бодолцож, бусад цагаа тиймэрхүү ажилд зарцуулахаар бодож байна. Бас хувийн зүгээс сонирхож байна. Бас энэ спортод аль болох олон хүний анхаарлыг татахыг хүсэж байна” гэжээ.

Мөн тэрээр энэ сарын 22-нд болох тэмцээнээ дуусгачхаад 23-ны өдөр тансаг зэрэглэлийн Луй Виттон брэндийн сурталчилгаанд тоглох гэж байгаагаа хэлсэн байна.

Эх сурвалж: Yonhap