Өмнөх мпокс халдваруудаас илүү аюултай, үхэлд хүргэх эрсдэл ихтэй хувилбарын Африкаас гадуурх хоёр дахь, Ази дахь анхны тохиолдол Тайландад бүртгэгдсэнийг албан ёсоор зарлалаа.
Тайландын халдварт өвчний хяналтын төвийн мэдээлснээр халдвар авсан 66 настай европ эрэгтэй энэ сарын 14-нд Африкаас Бангкокт ирсэн гэнэ.
Ирсэн өдрийнхөө маргаашаас эхлэн тус өвчтөнд халдварын шинж тэмдгүүд илэрч, яаралтай эмнэлэгт хандсан байна. Улмаар тухайн өвчтөн Clade1b хувилбарын мпокс халдвар авсан нь тодорхой болжээ.
Өнгөрсөн жил Конго улсад дэгдсэн мпоксын шинэ халдвараар өдгөө нийт 450 хүн нас бараад байгаа юм. Халдвар Конго улсаас хөрш зэргэлдээ Бурунди, Кени, Руанда, Уганда улсуудад тархаж, өнгөрсөн долоо хоногт Африкаас гаднах анхны тохиолдол Шведэд бүртгэгдсэн билээ.
Харин Азид ийнхүү анхны тохиолдол албан ёсоор бүртгэгдсэнд Тайландын халдварт өвчний хяналтын төв өвчтөнтэй хамт онгоцонд сууж ирсэн, газардсанаас хойш уулзсан гэх мэт 43 хүнийг олж тогтоон 21 хоногийн хугацаанд ажиглахаар болжээ.
Эх сурвалж: BBC