TSMC: Энэ онд дэлхийн хагас дамжуулагчийн үйлдвэрлэл 10 хувиар өснө
5 сарын 24. 4:050

 

Хагас дамжуулагч үйлдвэрлэлээрээ дэлхийд тэргүүлэгч Тайванийн TSMC компани энэ онд санах ойн салбарыг эс тооцвол дэлхийн хагас дамжуулагчийн салбарын борлуулалт өнгөрсөн жилийнхтэй харьцуулахад 10 хувиар өснө гэж таамагласан байна.

Орон нутгийн цагаар 23-ны өдөр Ройтерс агентлагийн мэдээлснээр, тус компанийн ахлах дэд ерөнхийлөгч Клифф Ху Тайванийн Шинчу шинжлэх ухааны парк дахь TSMC-ийн төв байранд болсон арга хэмжээний үеэр хэлэхдээ, "Энэ бол хиймэл оюун ухааны технологийн шинэ алтан үе юм" хэмээн цохон тэмдэглэжээ.

Санах ойн салбарыг эс тооцвол дэлхийн хагас дамжуулагчийн салбарын өсөлт 10 хувиас давна хэмээн таамаглаж байсан TSMC компани энэ таамаглалаа өнгөрсөн сард 10 доошлуулаад байсан билээ. Тэгвэл таамаглалаа ийнхүү дахин өсгөсөн байна.

Дэлхийн хагас дамжуулагчийн зах зээлийн статистикийн байгууллага ч мөн энэ онд дэлхийн хагас дамжуулагчийн зах зээлийн өсөлтийн хурдыг 13.1 хувьд хүрнэ хэмээн тооцоолжээ.

Түүнчлэн хиймэл оюун ухааны технологийн халуурлаас үүдэлтэй өндөр эрэлтийн ачаар тус компани хоёрдугаар улирлын борлуулалтаа 30 хувь хүртэл нэмэгдэнэ гэж найдаж байгаагаа энэ үеэр дурдсан байна.

Өмнөх өдөр нь хиймэл оюун ухааны зах зээлд тэргүүлэгч NVIDIA компани зах зээлийн хүлээлтээс давсан эхний улирлын гүйцэтгэлээ зарласан нь хиймэл оюун ухааны тэргүүлэх чиг хандлага цаашид ч үргэлжлэх болно гэсэн хүлээлтийг үүсгэсэн билээ.

Эх сурвалж: SBS Biz

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
Сөүл: Дараа сард түүхэндээ хамгийн олон өвчтөнүүдийн жагсаал болно
2024-6-21 16:06
Таван жилийн өмнө алга болсон илжиг хандгайн сүрэгтэй нийлсэн байжээ
2024-6-21 15:32
Насанд хүрэгчдэд зориулсан хиймэл оюун ухаант робот энэ зунаас худалдаанд гарна
2024-6-21 14:59
БНАСАУ хилээ хэрмээр хашиж байна
2024-6-21 13:11
Сөүл хотын дарга Ким Хюн Ги Улаанбаатарт галын хуучин 10 машинаар тусаллаа
2024-6-21 12:27
Эрчим хүчний хэрэглээнээс үүдэлтэй хүлэмжийн хийн ялгаруулалт түүхэн дээд хэмжээнд хүрчээ
02024-6-21 12:03
ОХУ-Европын холбооны худалдаа сүүлийн 24 жилийн хамгийн доод түвшинд хүрчээ
02024-6-21 8:52
Илон Маскын xAI компани Dell-тэй хамтран супер компьютер бүтээнэ
02024-6-21 7:48
Хүний эр бэлгэ эрхтнээс анх удаа бичил хуванцар илэрлээ
2024-6-20 14:59
Путин Кимд лимузин, Ким Путинд гөлөг бэлэглэлээ
2024-6-20 14:33