Солонгос туршлагад суурилан Монголын хаягийн системийг орчин үежүүлэн шинэчлэх төсөлд холбогдох албаныхан хамтран ажиллаж байна.

Өнөөдөр(тавдугаар сарын 24) БНСУ-ын Төрийн захиргаа, аюулгүй байдлын яам болон Монгол улсын газрын алба Солонгосын хаягийн системийг Монгол Улсад нэвтрүүлэхэд хамтран ажиллах санамж бичигт гарын үсэг зурлаа.

БНСУ-ын Төрийн захиргаа, аюулгүй байдлын яамны төлөөлөгчид энэ оны гуравдугаар сард Монголд айлчлахдаа Солонгос хаягийн системийг танилцуулж, цаашлаад Монголын Газар зохион байгуулалт, геодези зураг зүйн газрын даргын орлогч Анандын Энхманлай дөрөвдүгээр сард Солонгост айлчилж, Төрийн захиргаа, аюулгүй байдлын яамны Тэнцвэртэй хөгжлийг дэмжих товчооны захирал Им Чоль Онтой уулзсан юм.

Тус уулзалтын үеэр Монголын талаас Солонгос хаягийн системийг Монголд нэвтрүүлэх, цаашид хамтран ажиллах ажлыг албан ёсоор санаачилж, санал тавьсан аж.

Тус ажлын хүрээнд хоёр улс олон улсын хаяг, мэдээллийн системийн стандарт, шинэ технологийн тал дээр туршлага солилцож, ерөнхий суурь мэдээллээс ашиглан шинэчилж, хаягтай холбоотой хууль тогтоомжуудыг эргэн харах бөгөөд тус салбартай холбоотой хүний нөөц, боловсон хүчин бүрдүүлэх зорилгоор дадлагажигч ажилтан солилцох гэнэ.

Эх сурвалж: Yonhap