АНУ-ын ерөнхийлөгчийн сонгуульд Бүгд найрамдах намаас нэр дэвшигч ерөнхийлөгч асан Дональд Трамп дахин сонгогдсон тохиолдолд виртуал валютын салбарыг идэвхтэй дэмжиж, Байдены засаг захиргааны виртуал валютын зохицуулалтыг хөнгөвчлөх болно гэж мэдэгджээ.
Ерөнхийлөгч асан Трамп орон нутгийн цагаар 27-ны өдөр Теннесси мужийн Нэшвилл хотод болсон "Биткоин 2024” бага хуралд оролцох үеэрээ “Би АНУ-ыг дэлхийн виртуаль валютын нийслэл төдийгүй Биткоины супер гүрэн болгоно" хэмээн цохон тэмдэглэсэн байна.
Тэрээр үргэлжлүүлэн "Америкийн стратегийн Биткоины нөөцтэй болох болно. Бид энэ салбарын асар их баялгийг бүх америкчуудын сайн сайхны төлөө үндэсний байнгын өмч болгох болно" гэж онцлов.
Түүнчлэн Байдены засаг захиргааны виртуаль валютыг дарах бодлогыг шүүмжилж, дахин сонгогдсон тохиолдолд албан тушаалдаа орсон эхний өдрөө виртуал валютыг зохицуулдаг Үнэт цаас, биржийн хорооны тэргүүн Гари Генслерийг ажлаас нь чөлөөлнө гэдгээ дурджээ.
Эх сурвалж: MBC