Ливид газрын тосны олборлолт зогссоны улмаас өмнөх өдөр нь гурваас илүү хувиар өссөн Нью-Йорк дахь газрын тосны үнэ 2 хувиар эргэж унасан байна.

Орон нутгийн цагаар 27-ны өдөр Нью-Йоркийн худалдааны бирж дээр 10-р сард нийлүүлэх West Texas ангиллын түүхий газрын тосны үнэ нэг баррель нь 75.53 ам.доллароор арилжаалагдаж, өмнөх арилжаанаас 1.89 ам.доллар буюу 2.44 хувиар буурчээ.

Түүнчлэн аравдугаар сард нийлүүлэх Brent ангиллын газрын тосны үнэ нэг баррель нь 79.55 ам.долларт хүрч өмнөх өдрөөс 1.88 ам.доллар буюу 2.31 хувиар буурсан байна.

Эргэн сануулбал Ливи улсад үүссэн дотоод зөрчилдөөний улмаас тус улс газрын тосны олборлолтоо зогсоож байгаагаа 25-ны өдөр зарласнаар газрын тосны үнэ огцом өссөн билээ. Азаар Ливид үүссэн эмх замбараагүй байдал богино хугацаанд үргэлжлэх төлөвтэй байгаа бөгөөд газрын тосны үнэд нөлөөлөх хүчин зүйл болж чадахгүй гэж Goldman Sachs банкны зүгээс дүгнэжээ.

Эх сурвалж: MBC