Хятад руу гаргадаг Оросын эрчим хүчний экспортын хэмжээ энэ оны эхний хагаст түүхэн доод хэмжээндээ хүрсэн талаар нутгийн албан ёсны эх сурвалжууд мэдээлжээ.

Энэ оны нэгээс зургаадугаар сарын хооронд ОХУ-ын эрчим хүч экспортлогч РАО Хятадад 465 сая кв тог нийлүүлсэн нь өнгөрсөн оны мөн үеийнхээс 76 хувиар бага үзүүлэлт юм. Зарим эх сурвалжийн үзэж байгаагаар Алс Дорнод дахь ус багатай, үйлдвэрийн хүчин чадал дутмаг, дулааны цахилгаан станцын засвар үйлчилгээ тааруу зэрэг шалтгаан үүнд нөлөөлж байгаа гэнэ.

Байдал энэ хэвээрээ үргэлжлэх юм бол энэ оны сүүлээр гэхэд Оросын эрчим хүчний экспорт түүхэнд байгаагүй хамгийн доод цэгтээ хүрэх бололтой. Үүнээс сэргийлэх нэг арга бол шинэ цахилгаан станцууд байгуулах юм.

Интер РАО-гийн цахилгаан эрчим хүчний экспортод Хятадын эзлэх хувь одоогийн байдлаар 13% байгаа ч нийт экспорт 31 хувиар буурсан байна. Энэ нь ЕХ-той хийж байсан худалдаа түр зогссонтой холбоотой гэж салбарынхан үзэж байна. Өнгөрсөн оны эхний хагаст гэхэд л Интер РАО ЕХ-ны Финлянд, Балтийн орнууд, Польш тэргүүтэй орнуудад цахилгаан эрчим хүч нийлүүлсэн хэвээр байсан талаар ТУЗ-ийн гишүүн Александра Панина нэгдүгээр сард мэдэгдэж байв.

Харин эсрэгээр Монгол руу экспортлох эрчим хүчний хэмжээ 50 хувиар, Киргиз рүү 30 хувиар өссөн гэнэ.

Эх сурвалж: RT