Украины мөргөлдөөнөөс хойш ОХУ-тай цэргийн хамтын ажиллагаагаа сэргээн чангатгаад байгаа Умард Солонгосын хоол хүнсний хомсдол тулгараад байгаа асуудалд дэм болохоор Путин 447 ямаа илгээсэн гэнэ.
Эх сурвалжийн мэдээлж байгаагаар ОХУ-ын Ерөнхийлөгч Владимир Путин зургаадугаар сард Ким Жон Унтай Пёнянд уулзсаныхаа дараахан ийм бэлэг илгээсэн гэнэ.
ОХУ-ын Мал эмнэлэг, ургамлын эрүүл ахуйн хяналтын холбооны мэдээллээс үзвэл, 447 ямааг Ленинградаас Расон хотод хүүхэд багачуудын өдөр тутмын хүнсний хэрэгцээнд зориулан бэлэг болгон илгээсэн аж.
Умард Солонгосын мэдээлснээр Нампо хотод ямааны ферм байгуулж, хүүхэд багачуудын өдөр тутмын хүнсний хэрэгцээг хангаж байгаа хэмээсэн нь дээрх мэдээллийг батлах нэг нотолгоо болж байгаа юм.
Эх сурвалж: Yonhap