Дэлхийн түүхэнд арав дахь хамгийн хүчтэй далайн шуурга хэмээн тооцогдож буй Шаншан шуурга өнөөдөр өглөө/08.29/ Японыг Кюшү арлыг дайрч, хөрсний нуранги үүсгэн багагүй хохирол дагууллаа.

Кюшү арал дээр шуурганаас болж 39 хүн бэртэж, нэг хүн алга болсон бөгөөд 1.13 өрхийн 2.25 сая хүнийг нэн даруй нүүлгэн шилжүүлэх шийдвэр гарчээ.

Японы цаг уурын хүрээлэнгийн мэдээлснээр далайн Шаншан шуурганаас болж Кюшү арлын Кагошима мужийн Сацумасэндай хотод орон нутгийн цагаар өглөөний 08:00-д хөрс нуржээ.

Тухайн цагт далайн шуурганы төв даралт 955гПа, шуурганы голомт хэсэгт салхины хурд 40м/с-ээс дээд талдаа 60м/с хүрч ширүүсэж байсан гэнэ. Цаашлаад өнөөдөр Кюшү арлын өмнөд хэсэгт салхины хурд 70м/с, хойд хэсэгт 60м/с хүрнэ гэх тооцоо гарчээ.

Мөн шуурганаас болж тус нутгийн 262 бага, дунд сургууль хаалгаа барьж, цаашлаад Тоёота мотор корпораци Япон дахь нийт 14 машин угсрах үйлдвэрүүдийнхээ үйл ажиллагааг зогсоосон байна. Цаашлаад Ниссан мотор, Хонда мотор компаниуд ч гэсэн энэ сарын 29,30-нд ажиллахгүй байхаар шийджээ.

Эх сурвалж: Yonhap