Парисын олимпын эрэгтэй сагсан бөмбөгийн финалын тэмцээний талаар ямар бодолтой байгаагаа Францын МакДоналдс сүлжээ ресторан нууж хаалгүй хөнгөн хошигнолоор илэрхийлжээ.

Францын эсрэг тоглосон АНУ-ын баг Стефен Карригийн онцгой оролцоотойгоор 98-87 онооны харьцаатай илүүрхсэний дараа Франц дахь МакДоналдсын инцстаграм хаягт тус үйл явдалтай холбоотой болох нь илт мэдээлэл нийтлэгджээ.

Тэд “Зарим нэг тодорхой шалтгааны улмаас бид энэ соусыг цэсээсээ хасаж байна” хэмээгээд өөрсдийн алдартай карри соусны зургийг хавсаргажээ.

Тус нийтлэл долоохон цагийн дотор 15 мянган хүний хариу цуглуулж, Франц дахь МакДоналдсын төлөөлөгч тус нийтлэлээрээ АНУ-ын тоглогч Карригийн гайхалтай тоглолтод атаархсан, шаралхсан сэтгэлээ илэрхийлсэн гэдгийг хүлээн зөвшөөрч, тайлбар хийсэн байна.

Тоглолтын эцсийн гурван минут болох хүртэл АНУ-ын багаас ердөө гурван онооны зөрүүтэй нэхэж явсан Францын баг болон түүний дэмжигчдийн хувьд үнэхээр харамсалтай ялагдал болсны ердөө нэг илэрхийлэл энэ ажээ.

Эх сурвалж: CNN